اليك اهدي شعري

كانك على صدر السما تسقي المي ..
وانا عليها من الوله أزرع نجوم..
لا بد ليلة في العمر نجني الضي..
ولا بد زهرة حبنا تفوح في يوم..
لجلك تروح الناس عندي ولا شي..
وحدك الى جف الحشا جيتني غيوم..
همسات صوتك نبضة الخافق الحي..
وطيوفك شوفك لذة الحلم في النوم.
تصدق حبك غدى دنية لي..
ودونك انا والله ما عندي علوم..
كني شجر لاطير حوله ولا في..
واقف على رمضا الزمن فيك مهموم..
الوقت في بعدك طوى خاطري طي..
ودامك تبيني ماعلى غيبتك لوم..
والله لو عمري بقى منه شوي..
اهديك مافيه وأقول مقسوم..
"إلى من سكنت وجداني"